गुरुसावली गृहनिर्माण सहकारी संस्थेच्या पदाधिकाऱ्यांची निवड संपन्न! आठ ते दहा वर्षांपासून अवसायनात असलेल्या संस्थेचे सभासदांच्या प्रयत्नांतून पुनरुज्जीवन; नव्या पदाधिकाऱ्यांची सर्वसंमतीने निवड

लासलगाव | मंगळवार, दिनांक १३ ऑक्टोबर २०२६

लासलगाव, ता. निफाड, जि. नाशिक येथील गुरुसावली गृहनिर्माण सहकारी संस्था लिमिटेड या संस्थेची विशेष सर्वसाधारण सभा मंगळवार, दिनांक १३ ऑक्टोबर २०२६ रोजी संस्थेच्या आवारात आयोजित करण्यात आली होती. या सभेच्या अध्यक्षस्थानी सन्माननीय नवनाथ बोडके, अवसायक तथा लेखापरीक्षक श्रेणी-१ हे होते. या सभेत संस्थेच्या नवीन पदाधिकाऱ्यांची व सदस्यांची सर्वसंमतीने निवड करण्यात आली.

सभेत मार्गदर्शन करताना अवसायक नवनाथ बोडके यांनी सांगितले की, ही संस्था मागील आठ ते दहा वर्षांपासून अवसायनात होती. मात्र, सभासदांनी केलेल्या संघर्षामुळे आणि सातत्यपूर्ण प्रयत्नांमुळे संस्थेचे पुनरुज्जीवन करण्यात आले आहे. आता संस्था नव्याने पदाधिकारी आणि सभासदांच्या ताब्यात देण्याची प्रक्रिया सुरू असून, त्याचाच एक भाग म्हणून या विशेष सर्वसाधारण सभेचे आयोजन करण्यात आले होते.

नवीन पदाधिकाऱ्यांची सर्वसंमतीने निवड

सभेत सर्व सभासदांच्या संमतीने व चर्चेअंती पुढील पदाधिकाऱ्यांची निवड करण्यात आली.

पदाधिकारी :

चेअरमन : रामदास रघुनाथ व्यवहारे

व्हा. चेअरमन : नानासाहेब दादाजी काळे

सचिव : मीराबाई सोपान देवढे

सदस्य : १. संपत कारभारी वाघ २. राजेंद्र सिताराम कापडी ३. कुसुम अशोक सालगुडे ४. हिराबाई शिवाजी दरेकर ५. सुमनबाई बाळू जगताप ६. सुशीला अशोक राऊत

अवसायकांचा सत्कार; नवनिर्वाचित पदाधिकाऱ्यांचे अभिनंदन

संस्थेच्या वतीने ज्येष्ठ सभासद व्यवहारे व सोनवणे यांच्या हस्ते अवसायक नवनाथ बोडके यांचा सत्कार करण्यात आला. नवनिर्वाचित पदाधिकारी व सदस्यांचे अवसायक तसेच उपस्थित सभासदांनी अभिनंदन करून पुढील वाटचालीस शुभेच्छा दिल्या.

या सभेला निवृत्ती सोनवणे, अशोक राऊत, शिवाजी दरेकर, अलका दाभाडे, प्रकाश पाठक, लक्ष्मण वाकचौरे, अशोक सालगुडे, चंद्रकांत सोनवणे, माधव लोहकरे, प्रकाश काळे, अभय पाटील, किशोर सालगुडे आणि सुनील देवढे यांच्यासह संस्थेचे सभासद उपस्थित होते.

सभेच्या शेवटी सुनील देवढे यांनी अवसायक नवनाथ बोडके आणि उपस्थित सर्व सभासदांचे आभार मानले.

सभासदांच्या एकजुटीतून संस्थेच्या पुनरुज्जीवनाला मिळालेली दिशा आणि नव्या पदाधिकाऱ्यांच्या निवडीमुळे गुरुसावली गृहनिर्माण सहकारी संस्थेच्या पुढील वाटचालीबाबत सभासदांमध्ये आशावाद निर्माण झाला आहे.